خرجت طليقة طارق العريان الأولى هالة العتال لتثير الجدل على أصالة وتهاجمها، وذلك من خلال منشور كتبته عبر حسابها الرسمي على موقع الفيس بوك.
قالت فيه: ” دي أول مره ممكن ارد فيها ،الصوره قاسيه عليكي؟، طيب أنا لما كنت بشوف ألف صوره، وابني مش موجود فيها، يا ترى إحساسي كان ايه؟ كان كتر من قاسي كان مقهور ،طيب لما كنتي بتكتبي العايله وابني مش موجود فيها إحساسه هو كان ايه ؟”.
وتابعت هالة:” أولادك عندهم أب، أيمن الذهبي حي يرزق لكن ابني كان عنده أب واحد بس، وللآسف مش حقدر أقول تفاصيل، طيب لما كنا بنحاول نتكلم كان ردك ايه، يا ترى قاسي، ولا حنون ذي ما انتي دلوقت”.
وأضافت العتال: ” الجواز والحب والعشره في تفاصيل محدش يقدر يعرفها، طيب مفكرتيش في يوم من الأيام أن ممكن الأب يشتري ابنه اللي من دمه، ويرفض الظلم، طيب مفكرتيش أن في نفسيت ولد ممكن تتدمر طيب دلوقت أولادك زعلانين من الكسرة، طيب بيتكلموا معه ليه لحد دلوقت”.
واختتمت:” أرجوكي كفايه في أولاد وأنا من حقي أدافع عن ابني اللي نفسيته بقيت مش حلوه، من كتر الحرب على ابوه،كفاية، بعد الانفصال اللي كنت بتمني استمرار ليكم وربنا يشهد عليه، بس ده نصيب”.
وكانت قد نشرت أصالة صورة جمعت العريان بحبيبته نيكول سعفان موجهة لهم انتقادات حادة، اشتعلت بها مواقع التواصل الاجتماعي بين مؤيد ومعارض لما فعله العريان.