بسبب صورة.. هجوم حاد على إعلامي مشهور من طليقته

متابعة – مروة البطة:

شنت طليقة الفنان والمذيع خالد عليش ميما شامي، هجوما كبيرا عليه، بعدما نشر صورة مع ابنتهما عبر حسابه على إنستجرام.

حيث كتب عليش معلقاً على الصورة: «فيه موقف حصل في آخر ٢٠١٥ عمري ما أنساه كنت راكن عربيتي في مكان وكنت داخل مستشفي بخلص فيها ورق في مصر الجديدة خرجت لقيت الونش شال العربية وداها مكان تاني ودمر الكبوت من أودام وحك العربية من معظم الأماكن كنت راجع البيت مش طايق نفسي حرفيا بس أول ما فتحت باب الشقة ميما بصلتي وهي صغنونة كده وابتسمتلي أول ابتسامة مباشرة ليا ف ضحكتلها أنا كمان ونسيت كل اللي مضايقني أكتر حاجة مفتقدها هي الابتسامة البريئة ديه وحضنها الدافي بصوابعها الصغنونة قبل النوم ربنا يجمعني بيكي على خير دايما ويوفقني في أي قرار يخصك».

وانتقدت طليقة عليش الصورة قائلة: «بعد الطلاق الرسمي اتفقنا على رؤية البنت وكان بيشوفها بانتظام وبشهادة كل الناس وبشهادة المدرسة وفجأة في عيد ميلاد البنت عرفت إن في قضية مرفوعة من شهر 12 ومكنش معايا أي محامي لأني تنازلت عن كل القضايا مقابل قضية جنائية كان رفعها عليا»، وتابعت: كل اللي معاه رقمي يدخلي يكلمني بخصوص وضع بنتي والموضوع دلوقتي في القضاء عشان مصلحة البنت».

وكان عليش، تزوج من ميما الشامي في ديسمبر 2013، وأنجبا طفلة، وقد انفصلا في نهاية العام الماضي، بعد زواج استمر 6 سنوات وخلافات كبيرة نشبت بينهما.

تابعنا على Google News

تابعنا