افتتح الرئيس المصري، عبد الفتاح السيسي، اليوم الأحد، أكبر معمل تكرير في مصر وإفريقيا، حيث وجه الحكومة “بسرعة الانتهاء من الاشتراطات الجديدة للبناء وإعلانها للشعب”.
وقال السيسي، خلال افتتاح المعمل في منطقة مسطرد بمحافظة القليوبية: “اشتراطات البناء والدنيا واقفة ودى مش من المصلحة.. خلصوا اشتراطات البناء وأعلنوها للناس والمسار الجديد إزاى هنظم عملية البناء في مصر علشان الدنيا تتحرك”.
وأضاف السيسي: “عاوز أقول للناس الاشتراطات.. إن كان عندنا عيب في النظام خله الدنيا كده وأنا بقول كلام مهذب.. كتير من بلدنا بالطريقة دي، لأن النظام اللي كان موجود قبل كده في تنظيم البناء محتاج يتطور”.
كما وجه الرئيس المصري، الحكومة باستمرار تقديم منحة الـ500 جنيه للعمالة غير المنتظمة حتى نهاية العام الجاري. مبيناً: “طالما اتكلمت عن العمالة غير المنتظمة مش إدينا 3 شهور، طيب انتوا هتكملوا لآخر السنة ولا إيه.. الناس ظروفها صعبة.. فلو كان كده نكمل لغاية أخر السنة”.
وأشار إلى أن مجمع مسطرد الذي تم افتتاحه اليوم بدأ العمل فيه سابقاً وتوقف نتيجة أحداث عام 2011، مضيفاً: “مجمع زي كده هتعرفوا حجم الفوائد التي تعود على مصر في مجال البترول، وتوقف لما يقرب من 10 سنيين نتيجة عدم الاستقرار، أرجو أن أنكم تعرفوا ده، وعلشان تبقوا فاهمين ليه عاوزينكم تتحركوا، هو مش بيقولك اتحرك علشان تهد بلدك، لا عاوز تتحرك تقوم تكمل عليها وتهدها، هي الحكاية كده”.
