شقيقة العريان تكشف سر دفاعها عن أصالة وتجدد دعمها لها

وصفت غادة زوجة شقيق المخرج طارق العريان في أحد تصريحاتها صورة طارق الأخيرة مع نيكول سعفان “بالمؤذية” لأنها أضرت بحالة الطفلين آدم وعلي النفسية.

وأكدت أن أصالة تعرضت للظلم، والعائلة كلها وقفت بجوارها في أزمتها، وأن الخلاف بين طارق وأصالة مستمر منذ عام ونصف.

وتابعت تصريحها قائلةً: “أصالة كانت إنسانة جميلة جداً مع عائلة العريان، ووقفت مع كل شخص في العيلة”.

وأضافت: أنا واقفة في صف أصالة، أصالة اتظلمت في العلاقة دي، أصالة حبت طارق العريان كتير، وفي الآخر حصلت مشاكل بينهم، وبقالها سنة ونص مستنية طارق يطلقها، طارق لسه مطلقها تقريباً من 10 أيام، وهي كانت لآخر وقت قاعدة متكلمتش.

 وكما قالت: طارق بعد الطلاق يعتبر حر، حر مع أصالة بس مش مع أولاده، الصورة دي هتضر الأولاد، الصورة دي ضرر للأولاد أكتر من ضرر لأصالة، الأولاد بقوا عارفين أن الست دي كانت السبب في خراب البيت بين أمهم وأبوهم.

وأكدت غادة أن نيكول سعفان كانت السبب في انفصال أصالة عن طارق العريان وقالت: نيكول سعفان أكيد كانت السبب وراء الخلاف بين أصالة وطارق العريان، أصالة اتحملت كتير، وعائلة طارق كلها ادخلت في الموضوع، لكن طارق العريان مش راجل صغير، طارق عنده أخ نزل من أمريكا عشان خاطر الموضوع ده، أخته وأخوه وكل العيلة تدخلت في الموضوع ده، عشان خاطر الأولاد وخراب العيلة، لكن محدش يقدر يفرض حاجة على حد.

ودعمت غادة أصالة بقولها: “أصالة ربنا يكون في عونها، إن شاء الله ربنا هيقدر أصالة وتطلع من اللي هيّا فيه”.

يشار أن غادة قد دافعت عن أصالة في الأزمة التي نشبت بينها وبين الزوجة الأولى لطارق العريان في الأيام الماضية.