كشفت الإعلامية لينا شاكر، مذيعة التليفزيون، ومقدمة أشهر برامج المنوعات منها “اسهر معانا” و”افطر معانا”، إصابتها بمرض السرطان، وخضوعها لجلسات العلاج بالكيماوي، مما أدى إلى تساقط شعرها.
وأعلنت عن ذلك بنشرها عبر حسابها على فيسبوك مجموعة صور ظهرت فيها بدون شعر.
وكتبت: “أنا عشت مع أمي الله يرحمها تجربة الكانسر بكل حذافيرها وتفاصيلها من يوم ما شخصت ليوم وفاتها كانوا ١١ سنة ونصف، كمية الألم اللي عشته معاها في التجربة دي مرعب وكانت دعوتي لربنا أنه يخفف عنها ويقدرني إني أسعدها، وأكيد كنت بفكر مع نفسي ليه كل ده؟!”.
وأضافت: “الدكتور اللي عملها الكشف أول مرة زعقلي وقالي دي بتموت أنتوا جهلة!!! بس هي ما ماتتش وقتها وعاشت الحمدلله والدكاترة بعد كده قالولي دي عملت record وأنها كانت بالكتير تعيش خمس سنين وده ما حصلش وأتوفت بعدها بـ11 سنة ونصف، ربنا قادر على كل شيء مهما كان عندنا علم هو له وقت وقدرة أكيد مش عندنا”.
مع العلم أنها تحدثت عن فكرة خطرت لها بأن تغير شكل شعرها لتستغرق فيها عاماً كاملاً لتكتشف بعدها إصابتها بالسرطان وتبدأ رحلتها الطويلة مع الألم.