تحتفل الفنانة السورية رغدة بعيد ميلادها، اليوم، والتي حققت نجاحا كبيرا في السينما المصرية والسورية في فترة الثمانينيات.
وكشفت في تصريحات سابقة لها عن علاقتها بالراحل أحمد زكي حيث قالت: “إحنا الاتنين لنا تركيبة شبه بعض، محبناش بعض زي روميو وجوليت، بس كتير حبينا بعض، أنا كنت بفهمه كتير، رغم إنه مكانش بيتكلم كتير، يعني مفاتيحه عارفاها، وهو كان بيرتاحلي وأنا كنت برتاحله، لكن لم نكن نصلح كزوجين، بس إحنا كنا على طول زي القط والفار مع بعض، علاقة غريبة”.
وأضافت: “تعرف ليه أنا مرتبطتش بيه علشان كان في آخر سنة على سرير المرض، ومرديتش أتحط في موقف الإجبار، وحبيت أبقى بجانبه للنهاية، وبعدين أنا مكنتش مرتبطة بأحد وكنت منفصلة، وهو أيضاً، فين المشكلة وإيه العيب إننا نرتبط”.
وتابعت: “لو كنت تزوجته كنت قلت، هو فعلا عرض عليا الزواج وهو على سرير المرض، قال لـ”وطني” مدير أعماله انزل هات المأذون، علشان أحميها، لأني كنت بتعرض وقتها لحملة شرسة جدا، علشان أقطع الألسنة كلها، وأنا اللي كنت أقوله لأ، علشان هو كان بيحتضر، وأنا رفضت إن يحصل دا علشان الناس، الناس لا تنفع في وقت الألم”.
واختتمت حديثها قائلة: “أنا حبيت أبقى للنهاية معاه، أحمد دخل الغيبوبة على كتفي أنا، وبعدها بكام يوم صعدت روحه لبارئها”.