الإصابة تغيّب نجمة مصرية عن أولمبياد طوكيو

أعلنت المصرية، بسنت حميدة، غيابها عن أولمبياد طوكيو بسبب الإصابة، ونشرت العداءة المصرية على صفحتها بموقع التواصل الاجتماعي فيس بوك: (صحيح الأزمة اللي مريت بيها كانت كبيرة وصعبة بس من نعمة ربنا علي وجود ناس جنبي بتحبني وبتخاف عليا بالشكل اللي شوفتو كمية الناس اللي بعتتلي رسايل محفزة جداً ليا وكتبتلي كومنت ونزلتلي ستوري وكلمتني ودعتلي عمري ما كنت أتخيلها أبداً ولا أتصور ان ممكن يكون في ناس كتير كدا حوليا بتحبني من قلبها بجد… أنا آسفة جداً اعذروني إني مقدرتش أرد على كلامكم ورسايلكم العظيمة ليا بس أنا الفترة اللي فاتت كنت غير مُتزنة نفسياً ويمكن دي من أصعب الفترات اللي ممكن تمر عليا في حياتي بس الحمد لله على كل شئ… التأهل الأولمبي لـ طوكيو كان نعمة عظيمة وأيضاً الإصابة المفاجأة وعدم القدرة على المشاركة في آخر وقت نعمة كبيرة من الله حتي وإن كُنت لا أراها الآن ف رب الخير لا يأتي إلا بالخير الحمد لله دائما وابداً).