متابعة – مريم أبو شاهين
المكوّنات:
كيس روبيان حجم متوسط
لتتبيل الروبيان:
ملعقة كبيرة ملح.. ملعقة خل…ملعقتين عصير ليمون
لتغطية الروبيان:
دقيق
نشا
الخضار:
حبة فليفلة خضرا مقطع طولي
حبة فليفلة حمرا مقطع طولي
حبتين جزر مقطعي دوائر
حبة كوسا مقطع طولي
ورقتين ملفوف مقطع طولي
4 سن توم
حبة بصل مقطع طولي
الصوص
½ كوب ماء
3 م ك كاتشي
3 م ك صويا صوص حلو
1 م ك نشا
م ص ملح
م ص فلفل اسود.
الخطوات:
بنفتح كيس الروبيان بنغسلو بالمي ومننضفو لو محتاج تنضيف و منتركو بالمصفى ينشف…بعدها منتبلو بالمكونات المذكورة ومنقلبو… وبعدها راح نبدأ بالتغطية بالنشا والدقيق.
بنجهز الخضار ومنقطعن.
بنجهز الصوص ومنخلط كل المكونات سوا… بعدها بنبدأ بالقلي عالنار بنضيف زيت نباتي وبس يسخن ويصير جاهز منقلي الروبيان فيو حتى يصيرو دهبي بنشيلهم.
بعدها بقدر عالنار بنخلي يسخن بعدها بضيف زيت نباتي او زيت سمسم وعليها التوم وبعدو الزنجبيل وبعدها كل الخضار.
بعدين بنضيف الصوص و بنقلب ثم الروبيان و بنقلب شويتين و بصير جاهز.
