متابعة- مريم أبو شاهين
فاجأ تامر الجمهور مشوقاً لفيلمه الجديد، والذي يجتمع فيه مع الممثلة المصري هنا الزاهد، وهذا عبر نشر مجموعة صور عبر حسابه الخاص على مواقع التواصل الإجتماعي.
تامر علق على المنشور قائلاً: “مساء الهنا على اغلى ناس على قلبي أنا، دي صور من اول يومين تصوير لفيلمنا الجديد ( بحبك ) طبعاً في ناس هتقرا اسم الفيلم بحبِك و ناس هتقراه بحبَك دا طبعاً مقصود عشان في درامة الفيلم هنبحث طول الوقت عن مدى صدق كلمة بحبِك من الرجل للأنثى وبحبَك من الأنثى للرجل في احداث فعلاً محيره جداً .. الفيلم اكيد فيه ضحك بس في إطار رومانسي بحت مش موجود بقاله كتير اتشرفت بمشاركة نجمة اليوم والمستقبل الجميله هنا الزاهد ومبسوط اني اول من اكتشفها في بداية حياتها وفي الفيلم دا بكتشفها تاني وبقدمها بشكل جديد عليها وعليكم ومبسوط جداً لمشاركة حبيب قلبي نجم الكوميديا الكبير حمدي المرغني اللي هيعمل ان شاء الله شغل رهيب في الفيلم كعادته الجميله وللأسف لسه مصورش علشان انزل صوره بس في أول يوم تصوير له ههريه صور وانتظروا بعد ايام انضمام نجمه جميله مميزه من نجوم المستقبل اللي هيكون ليها مستقبل كبير ان شاء الله..”
الجمهور تفاعل بشكل كبير مع المنشور مؤكدين على حماسهم لمشاهدة الفيلم.
