نشر الفنان المصري كريم فهمي صور تجمعه مع فريق عمل مسرحية أنستونا، وذلك عبر حسابه الرسمي على موقع الإنستغرام، وعلق على الصور قائلاً: “قبل ما اتفرج على المسرحية كنت ناوي كده كده أنزل صورة الستوري كمجاملة لصديقتى دنيا وصديقى محمد أحمد السبكي لكن الحقيقة العمل من كتر ما عجبني فبقيت متحمس إن كل الناس تشوفه وتتبسط زي ما أنا مبسوط النهاردة فقلت ده محتاج بوست ومش مجاملة نهائي”.
وأضاف النجم المصري: “مبروك لكل صناع العمل مبروك يا دنيا يا موهوبة أوي أوي، مبروك يا توتا ( محمد احمد السبكي ) المنتج الجامد الجريء، مبروك للأستاذ خالد جلال مخرج العمل المايسترو الحقيقي، مبروك لكل أصدقائي نجوم هذا العمل، بيومي فؤاد ، كريم عفيفي ، عمرو عبد العريز ، بسنت صيام ، صلاح الدالي والأستاذ سامي مغاوري ، المؤلفين الجامدين اوي اوي اوي وضحكوني كمؤلفين وممثلين، ده غير الأغاني روحوا اتفرجوا هتتبسطوا اوي “.
يشار أن المسرحية من تأليف كريم سامي وأحمد عبد الوهاب، ومن إخراج خالد جلال، ويشارك في البطولة الفنانة دينا سمير غانم، والفنان بيومي فؤاد، والفنان كريم عفيفي، والفنان سامي مغاوري، والفنان عمرو عبد العزيز، والفنانة مريم السكري، والفنانة بسنت صيام، والفنان محمد سراج.