انتقد الفنان السوري القدير بسام كوسا استغلال بعض الفنانين مهنتهم، من أجل تغطية سلوكياتهم غير الأخلاقية.
وقال كوسا في حوار لمنصة “المنتدى”: “هناك قسم من الممثلات والسيدات والآنسات زميلاتنا، فعلاً نرفع الرأس فيهن من كثر ما موهوبات وشغلن حلو وأخلاقن حلوة، ولكن القسم الأكبر مهنة التمثيل هي عبارة عن ستارة لممارسة مهن أخرى”.
وأضاف كوسا: “أنا مسؤول عن كلامي، وعم شوف هلق شو عم بيصير شي بحطوه بضهر الذكاء الإصطناعي على فكرة، انه والله هي مو انا الذكاء الاصطناعي مسوينها عليي، على اساس نحنا كنا سابقينه للذكاء الاصطناعي”.
وتابع كوسا: “ولذلك أنا بشوف انه واحدة من اخطر الاشياء مو دخول هؤلاء على هذه المهنة الحضارية العبقرية، مين سمح لهم يدخلوا، مين بينتجلن مشان شو؟ شو عم يعملو بدول أخرى؟ يعني مين هادول انه على اي اساس هادول بعدين بعد 4 او 5 سنين بتطلع بتلاقيها عالتلفزيون عم تحكي عن بناء الاسرة وتربية الاطفال والحياة الاجتماعية انه نجمة انا نجمة”.
وضرب كوسا مثالاً على كلامه، بمسلسل له لم يُعرض حتى الساعة بسبب رفض ممثلة وضع اسمه قبل اسمها.
هذا وقال كوسا: “انهينا العمل وخلصناه وانجزناه بس لأنه كان اسمها بعد اسمي قام لحد الأن ما انعرض المسلسل، هني مجموعة بفضل ما غوص كتير بس هاد انعكاس لواقع متردي”.