قال أحمد شوبير، في تصريحات صحفية:”أنا من النوع اللي بيحترم نفسه، وبيحترم المكان اللي بيشتغل فيه، وأنا ماسك نفسي لأبعد الحدود، أمام كم من الإساءات والأكاذيب ومن المهاترات بشكل عجيب جداً، وأنا براهن على الناس..الناس تعرف من هو الكاذب ومن هو المحترم، وبالتالي لم ولن أرد”.
وأضاف :”ولكن عندما يصل الأمر للحديث عن بيوت وزوجة وبنات وأبناء، أنت كده تجاوزت كل الحدود، والمكان الذي أعمل فيه له كل الاحترام والتقدير، وبالتالي أنا ساكت ومبردش”، مضيفاً، “كل الأكاذيب اللي طالعة عن حصولي على عمولات وفيلات، كل ده مبردش لأني بحترم المكان اللي شغال فيه”.
وتابع :”على الأخ اللي كل شوية يقول هذه الأكاذيب ويروج لتلك الشائعات أن يراعي حال البلد، خاصة أنه بيقول رجل دولة..والدولة أمامها تحديات كورونا وملف سد النهضة والحدود مع ليبيا”.
وأكمل :”للأسف مش عارفين ناخد مع هذا الشخص أي إجراء قانوني بسبب الحصانة، أو اعلامياً، لأن لو اتكلمنا الناس هتغضب مننا ولو سكتنا هيقولوا ضعف، طيب إيه اللي نقدر نعمله مع هذا الشخص”.
واختتم شوبير تصريحاته قائلاً:”أسهل شيء ترد عليه بنفس الأسلوب، ولكن أصعب شيء إنك تبقى محترم أمام هذا السيل من الأكاذيب والاتهامات والخوض في أعراض الجميع بلا استثناء”.