أكد الفنان تامر حسني إلى بنبذ التعصب والخلافات بين جماهير الأهلي والزمالك، وذلك قبل ساعات قليلة من لقاء الحلم الأفريقي في مباراة نهائي دورى أبطال أفريقيا بين قطبي الكرة المصرية.
حيث كتب قائلاً: زمالك أو أهلي يعني مصر، والدنيا كلها بتتفرج النهاردة على أولاد مصر، وبعون الله هنرفع راس مصر لإن النتيجة أياً كانت فهي مصرية.
وتابع قائلاً: رأيي الشخصي المُتواضع، مهما اتكلمنا كلنا فى الروح الرياضية الجميلة فى كرة القدم مش هيكون كلامنا مؤثر زى أصحاب الرياضه نفسها، يعنى لو صداقتهم الطيبة تبان فى العلن من خلال بوستات فيها سلام بين اللاعبين، هتخليهم ينقلوا الروح السلمية دي للناس ولكُل الجماهير، ولو أثناء المباراة حد خبط حد يعتذر له و يطّمن عليه، الناس فوراً هتفرح بالروح دي والروح دي هتنتقل للبيوت وللجماهير ومش هيكون في أي نزاعات، ولو المباراه خلصت و كل لاعب جرى حضن لاعب من الفريق التانى فعلاً هيخلوا الناس فى البيوت و كل مكان فى نفس حالة السلم اللي هيصدروها ، حتى لو إدارة كل نادي ألزمت كل فريق بالروح دى إجبارى لإن ولادنا يستاهلوا إنهم مايكرهوش بعض ولا يتخانقوا بسبب رياضة المفروض إنها بتجمع الناس.
وختم تامر: مش منطقي برضو كل ماتش الناس تحس إن في حرب هتحصل!! وبين مين!! أهم وأعرق الأندية المصرية اللي مشرفينا في كل الدنيا، يا رب كل الخير ليهم ولأولادنا وللجماهير العظيمة المخلصة.
يذكر أن الفنان تامر حسني طرح مؤخراً ألبومه الغنائي الجديد بعنوان خليك فولاذي، ولاقى الألبوم الجديد نجاحاً كبيراً في الوطن العربي.