دافعت غادة زوجة شقيق طارق العريان عن أصالة، وذلك عن طريق ردها على هالة طليقة العريان التي شاركت بوست انتقدت من خلاله أصالة.
فقامت غادة بالتعليق على البوست نفسه قائلةً: “أنتي يا هالة بتكلمي على ابنك طب خلي عندك دم أنتي اللي طول عمرك رمياه وضيعتيه وجايه تتهمي اللي كانت مرات أبوه، والتحريض اللي دايما كنتي بتحرضيه عليها واللي كنتي بتعمليه، نسيتي إن كنتي ناسيه افكرك أصاله أول ماتجوزت طارق حاولت تصاحبك عشان خاطر عمر وأنتي عملتي ايه واحده زيك بوظت نفسيه ابنها وجايه دلوقتي تتكلمي”.
وتابعت غادة في البوست معرفة عن نفسها، “أنا مرات أخو طارق غادة فكراني وياما شوفنا منك ومن اللي بتعمليه أصالة أشرف وأحسن ست طارق اتجوزها لكن هو مالوش في الطيب نصيب كان لازم يفضل معاكي عشان أنتي زيه مش واحدة زي أصالة، لمي نفسك يا هالة واوعي تنسي نفسك وتحاولي تشهري نفسك على حساب أشرف وأطيب وأحن قلب في الدنيا اصالة، وهي كانت حرام في عيلة العريان لو خايفة وزعلانة على ابنك جربي كده هو هيرضي ييجي يعيش معاكي؟”.
مع العلم أن الموضوع أخذ حيز كبير من اهتمام الجمهور، وانقسم رواد السوشيال ميديا بين متعاطفين مع أصالة وداعمين لطارق، ووصل الفضول بالبعض حد القيام بتحليلات والعودة إلى الصور التي تشاركها نيكول ومقارنتها مع الصور التي يشاركها طارق في تلميح إلى أنهما يعيشان في نفس المكان.