ودعت الفنانة الشابة هنا الزاهد 2020 وداعاً لطيف على الرغم من صعوبتها بالنسبة للعالم ككل.
ونشرت هنا صورة على حسابها الخاص على إنستغرام وعلقت عليها: “أول مرة أكتب تعليق طويل بالشكل ده، بس حسيت إني لازم أكتب اللي جوايا حالاً، سنة 2020 كانت رائعة بالنسبة لي، على الرغم من كونها سنة صعبة علينا كلنا، لكن أنا دايما ممتنة وراضية بغض النظر عن إيه بيحصل، في شغلي خطيت خطوات كبيرة ناحية أحلامي، ومش قادرة أستنى لحد ما تشوفوا مسلسلي الجديد اللي تعبت بجد فيه”.
وأكملت: “من وجهة نظري العمل الجاد دايما بيؤتي ثماره، تعبت أوي في التصوير، ما كنتش بنام لأيام بس كنت مستمتعة بكل مشهد بعمله، مفيش حاجة تضمن حياة طويلة وصحية ومزدهرة أكتر من أنك تحاول باستمرار تعمل اللي أنت عايزه وتحقق أحلامك، سنة 2020 علمتنا قيمة الأسرة وعايزة أشكر كل أفراد عائلتي على إعطائي القدرة على إكمال أي شيء صعب، وإيمانهم بيا، ومنحي طاقة ومشاعر إيجابية”.
وأنهت كلامها: “2021… خلونا نقرر إن بداية السنة الجديدة دي نكون دايماً في كتف بعض، ونساعد أخواتنا من البشر اللي محتاجينا بغض النظر نعرفهم شخصياً أو لا، وعلشان كده يلا ننشر شوية من البهجة واللطف، سنة جديدة سعيدة على الجميع”.
مع العلم أن هنا الزاهد تنتظر عرض أحدث مسلسلاتها “حلوة الدنيا سكر” ينتمي المسلسل لنوعية أعمال الـ45 حلقة.