ردت الإعلامية بسمة وهبة، على التعليقات والتنمر الذي تعرضت له بعد نشرها لصور لها مع ابنتها خلال جولة تسوق.
وكتبت “بسمة”: “عشان المتنمرين اللي مستكترين أني خارجة أنا وبنتي بنتفسح.. هذا ما وراء الكواليس التي لا يراها صم وبكم القلوب والعيون .. قبل الفسحة بنج ومنظار ومشكلة على الأحبال الصوتية وانذار بفقد الصوت بسبب السترس واجهاد العمل .. ده نفس اليوم اللي استكرتوا رفاهيته عليا أنا وبنتي اللي كانت ف دبي ليها 3 أسابيع عندها كورونا، وأنا ممنوع أقرب ولا اشوفها، وكانت في عزل تام.. ايه رأي المتنمرين لو بعد اذنهم ومايضايقهمش أني أخرج بنتي وارفع معنوياتها ومعنوياتي”.
وأضافت: “أنا قلت لكم قبل كده حياتنا مش الصورة اللي بتشوفوها .. دايماً الصورة وراها صورة لم ولن تروها.. شوفوا بس المنظار اللي مسكاه الممرضة ورا الكرسي كل ده كان في فمي برضوا صورة ورا صورة ورا صورة ودي حياتنا اللي انتوا قاعدين بس تتنمروا وتنظروا علينا لا للإهانة”.
وكانت بسمة وهبة نشرت صور مع ابنتها بعد جولة تسوق وكتبت : “ماله يا بنتي عمر أفندي وصيدناوي”، مما عرضها لانتقادات.