كشفت الفنانة لبلبة عن السبب في عدم زواجها مرة أخرى بعد طلاقها من الفنان الكبير حسن يوسف.
وقالت لبلبة في لقائها ببرنامج “باب الخلق” مع الإعلامي محمود سعد: “كان ممكن يكون فيه جواز تاني وتالت ، لكن ما بيحبوش الفن”.
وتابعت:”وقالوا إزاي تتصور وتخلي عادل إمام يحضنها قلت لا لازم يتذوقوا الفن، أنا أخواتي مش فنانين لكن بيتذوقوا الفن”.
وعن عادل إمام قالت: “من أكثر الفنانين اللي أثروا فيا، شخصية لازم تنحب، وأنا بشتغل معه بسيب نفسي، وهو واخد باله من كل حاجة، وفهمته، بعرف إمتى أتكلم واحنا شغالين سوا عيني معاه”.
وأضافت: بعد الطلاق، منحت كل روحي للفن والسنين جريت ورا بعض، قررت أن الزواج زي القطر، قطر رايح وقطر جاي، وكل واحد على سكته”.
واستكملت:” اتمنيت لأي حد اتقدم للزواج مني ورفضته السعادة وقلت له يا ريت تروح تعمل أسرة لأني بحب الفن”.
مع العلم أن عادل إمام اجتمع مع لبلبة في عدد من الأعمال منها فيلم “خلي بالك من جيرانك”.