ردت الفنانة السورية كندة حنا على من ينتقد دورها في مسلسل “الكندوش” وبعد أن وصفتها إحدى الصفحات الفنية بالصمدية في مسلسل “الكندوش” وبأنها بتصبح وبتمسي ومرضية لأبوها، قالت كندة حنا: “هاد التجييش لي على السوشيال ميديا صار مكشوف اليوم صارو كتير من الناس عاملين حالهم نقاد وهني مجرد أشخاص بيتخبو تحت صفحات وبهاجمو الفنانين لصالح ومقابل مدح فنانين آخرين”.
وتابعت كندة في بوست شاركته عبر حسابها على “الإنستغرام”: “نزلو عن كتافنا بلعب الدور لي بيعجبني اذا ما حبيت فيك تنتقد بس الكذب واصدار الشائعات عيب وروح تابع نجماتك المفضلات بس بدك تقلل أدب عشان تطلع على كتافي انت وغيرك في طرقات تانية للنجاح انك تتعب وتتعبي على حالكن بجد، مو تمسح جوخ للفنانة لي عاطيتك وجه والفنانة لي ما عندها وقت لكلامك تقلل أدب عليها”.
وأضافت حنا: “مو بس الدراما السورية فيها مشاكل صدقو المشاكل صارت بعقول البشر لادراما دراما..ولا نقد نقد..وكل مين بيحكي لي حابب يصدقو وكلو بيركض على مصلحتو بعدين بدو يجي يعطيك محاضرة انو شو لازم تعمل .هاد هو زمن العجايب”.