قام ولدا الممثلة الراحلة نادية العراقية بزيارة قبرها لإحياء يوم ميلادها مصطحبين معهما الورود وطبق كبير من السوشي وهي الأكلة المفضلة لوالدتهما.
ونشرت مي مقطع فيديو عرضت فيه مجموعة من صور أمها، وأرفقته برسالة مؤثرة قالت فيها: “ماما أول عيد ميلاد ليكي متبقيش جنبنا و معانا أكيد انتي دلوقتي في الجنة و مبسوطة مع الملائكة وتيتا وجدو وأخواتك”.
وتابعت: “كان نفسي أقولك كل سنة وأنتي طيبة وأبوسك وأحضنك وأعملك مساچ زي ما كنتي بتحبي.”.
واختتمت: “والله يا ماما أنا مش مستوعبة إنك خلاص مشيتي وسبتينا من غيرك اتكسرنا من غيرك يا أمي انا فعلاً مش قادرة أعيش من غيرك أنا عايزاكي وعايزة أشوفك بس عارفة إنه مينفعش لأنك عند ربنا الرحمن الرحيم و أكيد مبسوطة.. شكراً يا ماما على كل لحظة”.