تحدثت الفنانة ميمي جمال، عن ذكرياتها مع الفنان الراحل سمير غانم في كواليس المسرحيات التي قدماها معا.
وقالت: “سمير غانم زي الترمومتر على المسرح بيقيس الجمهور من أول أفيه يقوله شافهم ضحكوا أوي يكمل ولو شافهم مش أوي يرمي واحد وراء التاني لحد ما يقعوا من الضحك، واللي بتبقى قدام سمير غانم على المسرح لازم تبقى واعية أوي امتى هيقول افيه جديد وامتى هيقفل المسرحية، وآخر مسرحية قدمناها سوا “دو ري مي فاصوليا” قال، أفيه ضحكني أوي وقعت من الضحك وزعلت أوي لما توفى”.
وتابعت: “كل يوم بدعي لدلال تقوم بالسلامة وبكلم رامي رضوان كل يوم اطمئن عليها وبطلب من ربنا بناته ما يشفوش اللي شافته بناتي وقت وفاة والدهم حسن مصطفى، أنا كنت جنبهم ويا رب والدتهم تقوم ليهم بالسلامة”.